Во свет каде светлината станува емоција, а накитот приказна, Swarovski ја претставува новата капсулна колекција Ariana Grande x Swarovski- инспирирана од природата и создадена да заблеска во секој момент. Креирана во соработка со глобалната амбасадорка Ариана Гранде и креативната директорка Џована Енгелберт, оваа колекција носи еден сосема нов, разигран и етеричен пристап кон дизајнот. Инспирирана од магијата на природата, таа го трансформира светот на накитот во фантазиска градина исполнета со светлина,боја и движење.

Цветни форми, деликатни линии и кристали со различни резови кои создаваатвпечаток на леснотија и софистицираност. Секое парче ја рефлектира светлината на уникатен начин, носејќи го препознатливиот Swarovski сјај. Еден од највпечатливите мотиви во колекцијата е вилинското коњче - симбол на трансформација, слобода и енергија. Во „градината на Ариана“, овој мотив се спојува со апстрактни цветни елементи во разиграна комбинација од мултиколор кристали и родиумска завршница, создавајќи модерен баланс помеѓу луксуз и индивидуалност.

Колекцијата нуди широк избор на парчиња - од нежни обетки и елегантни прстени, до впечатливи ѓердани и комплети што лесно стануваат центар на секој изглед. Оваа колекција овозможува секој да пронајде парче што одговара на неговиот стил и момент. Нежна, разиграна и истовремено модерна, оваа колекција ја слави индивидуалноста и личниот израз. Таа е совршен избор за подарок, но и за оние моменти кога сакате да се потсетите на сопствената вредност и да заблескате.