Swarovski Couture ја носи уметноста на кристалите на црвениот тепих

Во чест на овогодинешната тема на Met Gala – „Costume Art“, Swarovski претстави три уникатни couture креации создадени од глобалната креативна директорка, Giovanna Engelbert. Инспирирани од идејата дека кристалот е уметност сам по себе, секој дизајн го славеше бескрајното savoir-faire наследство на брендот и неговата значајна улога во поп-културата, истражувајќи ја врската помеѓу уметникот, музата и финалното уметничко дело.

Креациите беспрекорно ги интегрираа препознатливите Swarovski силуети на накит, рефлектирајќи го уникатниот идентитет и личната приказна на секој што ги носи.

Магични музи ✨

Venus Williams 

Црната креација, украсена со Swarovski кристали, зрачеше со моќ, елеганција и силна симболика. Инспирирана од портретот на Venus Williams создадена од Robert Pruitt, креацијата го реинтерпретираше и впечатливиот ѓердан кој Venus го носи на уметничкото дело - симбол на нејзиното семејство, спортските достигнувања и нејзините корени од Комптон. Ѓерданот беше изработен од стерлинг сребро и рачно украсен со 3.800 Swarovski Zirconia и кристали. Целиот изглед совршено ја отсликуваше нејзината појава како ко-претседавач на Met Gala, притоа остана длабоко поврзан со нејзината лична приказна.

EJAE

Оскаровката EJAE носеше креација инспирирана од неокласични мермерни скулптури, традиционални корејски занаети и чистотата на кристалот - омаж на првиот Swarovski кристален рез, Article One. Дизајнот ја спои класичната естетика со нејзиниот културен идентитет преку Crystal Fine Mesh здолниште и корсет украсен со техника што ги комбинира изработката на накит и везот. Впечатливата комбинација беше инспирирана од колекциите Constella и Una Angelic, додека декоративните украси за коса, инспирирани од традиционалните binyeo игли, го заокружија целиот изглед.

Giovanna Engelbert

Наместо да го претстави финалното дело, Giovanna Engelbert одлучи да го прикаже самиот процес на создавање. Нејзината couture креација ја славеше уметноста на изработката преку корсет со видливи конструкциски линии, слоевито organza здолниште и Crystal Mesh престилка украсена со Hyperbola и Matrix детали. Впечатливата headpiece креација, создадена во соработка со Stephen Jones, ја симболизираше нејзината улога како Global Creative Director, комбинирајќи мотиви на уметничка палета и препознатливиот Swarovski Swan.