Vienna Opera Ball
Секоја година, кога величествената Vienna State Opera ќе засвети со илјадници светлосни рефлексии, светот застанува за момент бидејќи започнува магијата на Vienna Opera Ball.

Овој настан е традиција која се негува, уметност и културно наследство што повеќе од еден век ја дефинира елеганцијата на Виена. Веќе 70 години, Swarovski е нераскинлив дел од оваа приказна, создавајќи ја официјалната тијара што ја носи секоја дебитантка - симбол на младост, надеж и нов почеток. Тијарата за 2026 година, дизајнирана од глобалната креативна директорка Giovanna Engelbert, претставува вистинска поема во кристал.

Инспирирана од иконскиот Swarovski лебед, креацијата е изработена од 315 прецизно сечени кристали. Пердувестите форми нежно се издигнуваат кон централниот мотив односно грациозен лебед со издолжен врат, чија силуета зрачи со достоинство и спокој. Секој детаљ е внимателно обликуван за да ја фати и одрази светлината на најсофистициран начин.

Tiaras on Tour – Патување низ времето Tијарата за 2026 година е дел од ексклузивна мини-турнеја со 20 архивски модели. Изложбата веќе ги воодушеви посетителите во Osaka, во стоковната куќа Hankyu, каде од август до септември 2025 година илјадници љубители на
дизајнот имаа можност да ја искусат магијата одблиску. Од јануари до март 2026 година, избор од тијари, вклучувајќи ја и најновата
креација, ќе ги красат излозите на Swarovski Kristallwelten Store Wien. Турнејата ќе заврши во срцето на Њујорк, во Swarovski on Fifth, каде сите 20 дизајни ќе бидат изложени во текот на март. Меѓу архивските ремек-дела се наоѓаат и дизајни на легендарниот Karl Lagerfeld, како и креации од Dolce & Gabbana и Christian Lacroix - сведоштво за децениската соработка со најголемите имиња во модата.
Vienna Opera Ball Отварање Магијата на Vienna Opera Ball започна уште пред официјалното отворање на балот. Вечерта започна со часови по валцер, водени од кореографката Nina Kripas, создавајќи прекрасна атмосфера, а потоа следеше ексклузивна вечера во легендарниот Hotel Sacher , каде пијанистот ја исполни просторијата со нежни мелодии.
Десертите, внимателно осмислени од иновативната слаткарка Sophia Stolz, беа совршен сладок финален акорд на вечерта.

Сјај, сјај, сјај

Сто и шеесет парови дебитанти и нивни придружници влегоа во салата под блескавите светла на Виенската опера, придружени од гости од целиот свет. Втора година по ред, придружниците носат кристализирана игла за вратоврска - детал што ја нагласува заедничката естетика и создава визуелна целина со тијарата на дебитантките.