Жена - дефиниција за нежност

Постојат денови што не треба гласно да се најавуваат. Тие едноставно доаѓааткако тивок потсетник дека благодарноста е најубава кога е искрена. Со 8-ми Март на прагот, нашите мисли природно се насочуваат кон жените кои го обликуваат нашето секојдневие со својата сила, со нежноста што носи стабилност, со амбицијата што инспирира и со љубовта што создава дом, тим, визија и хармонија.
Колекцијата Charming Love е создадена токму со таа идеја - накит што овозможува чувство на топлина, љубов и нежност. Инспирирана од
безвременските симболи на љубовта (срца, катанци, стрели), колекцијата носи современа, разиграна естетика што лесно се комбинира.
Привезоците (charms) се дизајнирани да се носат поединечно или да се надградуваат во комбинации. На ланче, на нараквица, слоевито или
минималистички, на крајот секој избор создава различен израз. Може да изберете едно кристално срце што симболизира љубов или да додадете повеќе елементи за храброст, за радост или за нови почетоци.
Секој привезок станува дел од мозаик што ја одразува личноста на жената што го носи.

Она што ја прави Charming Love посебна е можноста накитот да се надградува. Денес едно срце. Утре уште еден симбол.
Со текот на времето - кроење на цела приказна. Персонализираниот избор на привезоци овозможува внимателно да се одбере комбинација што одговара на стилот, дали се работи за нежна и романтична, модерна и минималистичка или смела и впечатлива.

Суптилен начин да кажеш „благодарам“.
8-ми Март не мора да биде дефиниран со клишеа. Тој може да биде момент на вистинска благодарност.
За мајката што секогаш е поддршка.
За сестрата што е најдобар пријател.
За колешката што инспирира.
За жената што секојдневно создава светлина околу себе.
Понекогаш најсилната порака доаѓа во форма на мал, внимателно избран детал што блеска на светлина. Со Charming Love, подарокот не е само накит.
Тој е искрено „благодарам“ што се носи блиску до срцето.